Роден како Евреин, но кога ја виде силата на Христовата вера, се крсти заедно со сестра му, Калитропија. Во неговата дваесет и шеста година се замонаши во манастирот на Свети Иларион. Подоцна основа засебен манастир, од каде што се прочу по сета Палестина и по сиот Египет заради своето подвижништво, духовна мудрост и чудотворство. Бегајќи од човечка слава се оддалечи во Египет. На патот се сретна со великиот Пафнутиј, којшто му прорече дека ќе биде архијереј на островот Кипар. И навистина, по повеќе години, по Божја Промисла, Епифаниј дојде на Кипар, каде што ненадејно го избраа за епископ во градот Саламина и како епископ управуваше со Црквата Божја педесет и пет години. Живееше на земјата сè на сè сто и петнаесет години и се упокои од овој живот за вечно да живее во Царството Христово. Пред смртта беше повикан во Цариград од царот Аркадиј и жена му Евдоксија, на собор на епископи којшто требаше, според желбата на царот и царицата, да го осуди свети Јован Златоуст. Граѓаните слушнаа, слушна и Златоуст, како божем Епифаниј да се согласил со царот против Златоуст. Затоа Златоуст му напиша писмо: „Брате Епифаниј, чув дека си го посоветувал царот да бидам прогонет. Знај дека ни ти веќе нема да го видиш твојот престол“. На тоа Епифаниј му отпиша: „Страдалнику Јоване, одолевај им на навредите, знај дека и ти нема да стасаш до местото каде што те гонат“. И обете светителски пророштва се обвистинија набрзо: не сакајќи никако да се согласи со царот околу прогонството на Златоуст, Епифаниј тајно седна на кораб и тргна за Кипар и на бродот умре, а Златоуст беше протеран од царот во Ерменија и тој по патот умре. Свети Епифаниј се упокои во 403 година. Од многубројните негови дела најпознато е „Ковчежето“ (на грчки „Панарион“), во коешто се изложени и побиени осумдесет ереси.
Денес се празнува Свети Епифаниј, епископ Кипарски
![](https://strumicadenes.mk/wp-content/uploads/2023/06/crkvata-sv-15-vo-strumica.jpg)
СЕРВИС „ЛОКА“ ВРАБОТУВА АВТОМЕХАНИЧАРИ ВО СТРУМИЦА!
Реномираниот сервис „Лока“ вработува АВТОМЕХАНИЧАРИ во Струмица. Условите се одлични! За подетални информации и пријавување, може да се јавите на…
ПЛАТА ОД 40.000 ДО 65.000 ДЕНАРИ: РЕНОМИРАНА ФИРМА ВРАБОТУВА МАШИНСКИ ИНЖЕНЕР И ЕЛЕКТРО ИНЖЕНЕР!
Реномирана фирма вработува: 1. МАШИНСКИ ИНЖЕНЕР 2. ЕЛЕКТРО ИНЖЕНЕР Сите заинтересирани за подетални информации може да се јават на следниот…
Денес се празнува Светиот свештеномаченик Иринеј Лионски
Во младоста му беше ученик на свети Поликарп, кој пак беше ученик на светиот Јован Богослов, кој го испрати на…