Голема полициска акција во моментов спроведува Бирото за јавна безбедност. Според информациите, станува збор за акција во која се опфатени се 49 луѓе поради злоуптреби со финансиска помош за туѓа нега.

Според наши неофицијални информации, опфатени се 49 лица, а меѓу нив има доктори, член на комисија на ПИОМ, адвокат, вешто лице, управител на консултантско биро.

Во моментот се вршат претреси на 21 локација, меѓу кои и Клиничкиот центар „Мајка Тереза“ во Скопје, Клиничката болница Тетово и ЈЗУ Општа болница Велес. Полицијата врши претреси и на 15 домашни адреси на осомничени лица.

Како што дознаваме, поднесени се кривични пријави за повеќе сторени кривични дела, злосторничко здружување, злоупотреба на службена положба и овластување, помагање, примање поткуп, давање поткуп, примање награда за противзаконито влијание и давање награда.