Perdormire
Рецепти

РЕЦЕПТ: СОЧНИ ШТРУДЛИ ОД ЈАБОЛКА!

Потребни состојки:

  • 200 г брашно (состојки за тесто)
  • 100 г путер
  • 120 мл ладна вода
  • 1 лажица шеќер во прав
  • јајце (за премачкување)
  • 2-3 јаболка (фил од јаболка)
  • 1/4 сок од лимон
  • 1/2 лажичка цимет
  • 30 г путер
  • 30 г шеќер
  • малку екстракт од ванила
  • 50 мл вода (по потреба)

Инструкции за подготовка:

  1. Путерот исечкајте го на коцки. Си миксер изматете го заедно со брашното се додека не добиете зрнеста смеса. Постепено налевајте вода се додека не добиете компактно тесто. Завиткајте го во фолија и оставете го во фрижидер минимум половина час.
  2. Јаболката измијте ги, излупете ги и исечкајте ги на ситни парчиња. Путерот растопете го заедно со шеќерот и оставете го да се карамелизира. Додадете ги сечканите јаболка и малку запржете ги. Додадете сок од лимон, цимет и ванила и вода (доколку е потребно) , оставете да зоврие, повремено мешајќи околу 5 минути. Тргнете го и оставете го да се олади.
  3. На малку набрашнета површина, расукајте тенко тестото и сечете правоаголници со големина 14 на 11 см.
  4. Врз ½ од правоаголник ставете од филот со јаболка а другата половина префрлете ја врз првата. Со прсти па со виљушка притиснете ги краевите за да не истече филот, а боцнете ги одозгора за да има од каде да излезе пареата при печење.
  5. Секоја штрудличка намачкајте ја со изматено јајце и печете ги на 180 степени околу 20 минути или се додека не добија светло кафена боја. Оставете ги да се оладат па сервирајте ги.