Вчера во „Галерија Музеј Струмица“ пред струмичани беше промовирана книгата „Ѕвездено дете“ од авторот и илустратор Ване Костуранов. Прусутните имаа прилика да се дружат со самиот автор и да добијат книга со негов потпис.
Краток опис на книгата:
Ѕвездан е дете кое живее меѓу ѕвездите. А кога живееш меѓу ѕвездите, животот ти е исполнет со нив.
Ѕвездан е вистински мајстор за ѕвезди: ги поправа кога ќе престанат да светат, пловејќи меѓу нив со своето бротче. Исплашен од помислата некоја ѕвезда да не падне, Ѕвездан доаѓа до едно големо откритие… што понатаму ќе го одведе до нешто сосема, сосема неочекувано…
„Ѕвездено дете“ е нежна, ѕвездена приказна за желбите, стравовите, осаменоста и љубовта.
