Мајка и ќерка од Струмица на возраст од 56 и 35 години кои се вратиле од Италија, не ги почитувале мерките за изолација. Тие покрај тоа што излегувале од дома, се карале и со полицајците. Основното јавно обвинителство во Струмица денеска поднесе обвинителен предлог против нив, поради основано сомнение дека сториле кривично дело – непостапување според здравствени прописи за време на епидемија од член 206 став 1 во врска со член 45 од Кривичниот законик.
