Во населеното место Куклиш продолжуваат активностите за уредување на спортското игралиште, со цел создавање подобри услови за спорт и рекреација.
Подлогата на игралиштето е завршена и монтирани се кошевите.
Станува збор за мултифункционално спортско игралиште наменето за практикување повеќе спортови, кое ќе овозможи подобри услови за спортски активности на младите и сите љубители на спортот.
Проектот се реализира во соработка меѓу Општина Струмица и Видеолотарија Касинос Австрија, како заедничка заложба за унапредување на спортската инфраструктура и создавање подобри услови за спорт и рекреација во населените места.
