Пет лица биле лишени од слобода во Струмица и струмичко село во одделни полициски постапки, откако кај нив биле пронајдени хашиш или марихуана, информираат од Секторот за внатрешни работи Струмица.
На 23 октомври 2026 година, во 21:30 часот, полициски службеници го лишиле од слобода С.К. (34) од струмичко село. При извршениот преглед кај него била пронајдена тегла со хашиш.
Ден претходно, на 22 октомври, во Струмица бил лишен од слобода и А.М. (31), откако при полициски преглед кај него била пронајдена марихуана.
Истиот ден, полицијата ги лишила од слобода и Џ.Б. (44) и К.Ј. (38), двајцата од Струмица. При прегледот кај нив била пронајдена марихуана.
Во уште еден одделен случај, на 22 октомври во Струмица, од слобода бил лишен и М.А. (36). Според информациите од полицијата, при прегледот тој доброволно предал пакување со марихуана.
За сите случаи бил известен јавен обвинител од Основното јавно обвинителство Струмица. По целосното документирање на настаните, против лицата ќе бидат поднесени соодветни пријави.
