Во Струмица се реализираат инфраструктурни проекти во вредност од над 7 милиони евра преку Министерството за транспорт, соопшти министерот Александар Николовски.
Според него, инвестициите се насочени кон подобрување на патната и комуналната инфраструктура и претставуваат значајна поддршка за локалниот економски и урбан развој на општината.
Меѓу проектите е и изградбата на атмосферски канализациски систем во населеното место Просениково, во вредност од 46,6 милиони денари.
Николовски истакна дека Владата континуирано вложува во инфраструктурата, со цел создавање подобри услови и поквалитетен живот за граѓаните.
