На 02.06.2026 во 13:00 часот во Струмица, полициски службеници од СВР Струмица ги лишија од слобода лице(45) и лице(39), двајцата од село Баница, струмичко.
Според пријавеното, тие на ул.„Братство и единство“ во Струмица, заедно со уште две малолетни лица од село Баница, агресивно се однесувале кон вработени во општина Струмица и полициски службеници од СВР Струмица кои извршувале службени задачи.
Тие се задржани во Полициската станица Струмица, а службени разговори во полициската станица се извршени со малолетниците во присуство на родители. За настанот е известен јавен обвинител од Основното јавно обвинителство Струмица и по негово документирање ќе бидат поднесени соодветни поднесоци.
