Продолжува периодот на променливо облачно време со повремени врнежи од дожд, кои на локално ниво ќе бидат пообилни, информираат синоптичарите. Според Управата за хидрометеоролошки работи, на повисоките планини се очекува врнежите од дожд да преминат во снег.
До крајот на неделата ќе се задржат релативно високи температури за овој период од годината, како резултат на умерениот, а повремено и засилен ветер од јужен правец.
Сепак, пресврт се очекува во недела попладне. Тогаш ќе започне да дува северен ветер, што ќе предизвика позначителен пад на температурите во текот на следната седмица.
