Синоќа околу 03:30 часот, маж кој управувал трактор излетал од патот и паднал во каналот од поројот кој води од улицата „Крушевска Република“, (од „транзитот“) во градот Струмица, кон селото Сачево, пишува порталот Радио СтрумицаНет.
На местото на несреќата интервенирале четворица пожарникари-спасители од Противпожарната единица на Струмица, кои учествувале во извлекувањето на лицето. За жал, мажот починал на самото место, а лекар од Итната медицинска помош ја констатирал смртта, стои во објавата на Радио СтрумицаНет.
Увид на местото на настанот извршиле јавен обвинител и екипа на СВР Струмица, по што ќе следуваат дополнителни информации за целосно расветлување на околностите под кои се случила несреќата.
ФОТО: AI
