На 54. Државен фестивал на непрофесионален филм, кој претставува најзначајна национална манифестација за млади филмски автори, учениците од СОУУД „Димитар Влахов“ – Струмица постигнаа извонреден успех.
Ивана Чонева ја освои златната плакета за филмот „Добрина“, кој се истакна со оригинална идеја, силна порака и автентична емоционална изведба.
Со бронзена плакета беа наградени Александра Милушева и Вероника Ристова, кои преку својот филм ја покажаа креативноста и талентот на младите струмички автори.
Овој успех претставува големо признание не само за наградените ученички, туку и за СОУУД „Димитар Влахов“ – Струмица, кое континуирано ги поттикнува младите да го изразат својот уметнички потенцијал преку современи медиуми.
