Шеесет и четригодишен велосипедист е тешко повреден откако вчера во Струмица во него удрил бугарски камионџија.
„На 12.11.2024 во 15.40 часот во Полициската станица Струмица било пријавено дека на бул. „Гоце Делчев“ во Струмица се случила сообраќајна несреќа помеѓу влекач „волво“ со бугарски национални ознаки, управуван од бугарскиот државјанин Н.П.К.(63) и велосипед управуван од И.Е.(64) од Струмица“, информираат од МВР.
Во несреќата со тешки телесни повреди се здобил велосипедистот, констатирани во Медицински центар Струмица, а увид на местото извршила екипа на Полициската станица Струмица.
