Замислете како влегувате во уметничка галерија и гледате впечатлив портрет на Алан Тјуринг, таткото на модерната информатика. Кога ќе ги загледате уметничкото дело, станувате заинтригирани од смелите бои и од фините детали. Дознавате дека уметникот не е човек – тоа е робот, по име Аи-Да, кој штотуку ја продал оваа слика за неверојатни 1 милион долари.

Портретот од 2,2 метри (7,5 стапки), наречен „AI God“, е создаден од Аи-Да, првиот светски ултра-реалистичен робот уметник. Ова ги скрши очекувања дека сликата ќе се продаде за цена помеѓу 120.000 и 180.000 долари, пишува Си-Ен-Ен.

„Рекордната продажна цена за првото уметничко дело на хуманоиден робот уметник, што се појави на аукција, означува момент во историјата на модерната и современата уметност и го одразува растечкиот пресек меѓу технологијата за вештачка интелигенција и глобалниот уметнички пазар“, се вели во соопштението на аукциската куќа.

– Клучната вредност на мојата работа е нејзиниот капацитет да служи како катализатор за дијалог за новите технологии – рече роботот Аи-Да кој користи вештачка интелигенција за да зборува.

Аи-Да додаде дека „портретот на пионерот Алан Туринг ги поканува гледачите да размислуваат за природата на вештачката интелигенција и на компјутерите додека ги земаат предвид етичките и општествените импликации од овие достигнувања“.