Поранешниот американски претседател Доналд Трамп тврди дека ќе биде уапсен во вторник поради обвиненијата дека и платил на порно актерката Сторми Даниелс да молчи за нивната наводна афера.

Адвокатите на Трамп, наводно, му платиле на Даниелс да молчи пред шест години, а њујоршките обвинители размислуваат дали има основа за покренување обвинение, пишува Дејли мејл.

Трамп на својата медиумска платформа рече дека обвинителството на Менхетен ќе го уапси во вторник поради овие наводи.

Тој рече дека се работи за политички мотивирана акција бидејќи, како што тврди, приказната за неговите пари е „стара“, а ги повика своите поддржувачи на протести.

Тој, исто така, ги повика своите следбеници да протестираат против наводното обвинение.

– Водечкиот републикански кандидат и поранешен претседател на САД ќе биде уапсен во вторник следната недела. Протестирајте, да ја вратиме нашата земја – рече Трамп со големи букви во обраќањето до поддржувачите на мрежата Truth.

Трамп повторно нагласи дека не извршил никакво кривично дело. Тој изјави и дека кампањата против него во голема мера ја финансирал Џорџ Сорос.

Сторми Даниелс тврдеше дека имала афера со Трамп во 2016 година и дека добила 130.000 долари за да ја премолчи за време на неговата претседателска кампања во 2016 година.

Нејзиниот адвокат во средата рече дека неговиот клиент се сретнал со обвинителите на Менхетен и е подготвен да сведочи како сведок на секое судење.

Сопственикот на Тесла и Твитер, Илон Маск денеска изјави дека поранешниот американски претседател Доналд Трамп убедливо ќе победи на следните претседателски избори доколку обвинителот на Менхетен му стави лисици и го уапси, пишува Дејли Мејл.