Премиерот Димитар Ковачевски преку својот Твитер профил ја осуди одлуката на Русија да ги признае регионите Донецк и Луганск во Украина.
– Ја осудувам одлуката на Русија за признавање на Донецк и Луганск како самонаречени „народни републики“. Ваквиот чин е директен напад врз територијалниот суверенитет и интегритет на Украина и кршење на договорите од Минск и одлуките на Советот на ООН од 2015. Заедно со НАТО сојузниците повикуваме на решавање на конфликтот по дипломатски пат, објави Ковачевски на Твитер.
