Денеска се исплатени 800.700 денари од Фондот за субвенционирање за купување нов велосипед. Овие средства се исплатени на 229 граѓани кои ги исполнија критериумите за субвенционирање зa купување нов велосипед и средствата на нивните сметки ќе ги имаат во попладневните часови. Вкупно беа доставени 238 апликации од кои 9 беа одбиени од комисијата заради дуплирање на апликациите и некомплетна документација. Им благодарам на граѓаните за поддршката во реализацијата на овој проект. Големиот интерес потврди дека ова беше вистинска мерка во време кога и за нас како општина Струмица, но и за сите граѓани, заеднички приоритет ни е здравиот живот и чистиот воздух. Ова не поттикна да планираме повторно активирање на Фондот за субвенционирање за купување нов велосипед во наредната буџетска година.