Мотоциклист е тешко повреден во сообраќајка која се случила вчера кога се судриле две возила во Хиподром.
Во 03.10 часот на локалниот пат село Јурумлери-населба Хиподром се случила сообраќајна незгода помеѓу патничко моторно возило „мерцедес ц220“ со скопски регистарски ознаки, управувано од 31-годишниот М.М. од Крива Паланка и мопед „кимко“ со скопски регистарски ознаки, управуван од 33-годишниот М.К. од Струмица, со живеалиште во Скопје.
Во незгодата мотоциклистот се здобил со тешки телесни повреди и бил пренесен во комплексот клиники “Мајка Тереза“ за укажување на лекарска помош.
Увид на местото на настанот извршила увидна екипа од СВР Скопје.
