Кабинетот на градоначалникот Коста Јаневски денеска беше полн со млади луѓе со совладани вештини по прва помош и подготвени својата хуманост и солидарност да им ја дадат на сите на кои што им е потребна. Тие покажаа најдобри резултати на општинскиот натпревар по прва помош 2018 кој што во организација на Црвениот крст од Струмица се одржа вчера попладне во градскиот парк, а на кој што учествувааа 19 екипи од основните и средните училишта од Струмица, Босилово, Василево и Ново Село. Врачувајќи им ги пехарите, градоначалникот Јаневски им го честита постигнатиот успех и потенцирајќи го задоволството од нивната желба да ги совладаат вештините по прва помош, рече дека секогаш ќе ја имаат неговата и поддршката од општина Струмица.
