Фудбалската федерација на Македонија (ФФМ) го одреди официјалниот термин на финалето од Купот на Македонија, во кое се среќаваат екипите на Шкендија и Пелистер.
Ланската реприза повторно ќе се игра на стадионот „Младост“ во Струмица. Промена ќе има само во датумот и мечот за трофеј ќе се игра на 23 мај од 20.00 часот.
Ланското финале беше среќно за Пелистер, кој по изведување на пенали ги совлада тетовчани и обезбеди место во квалификациите за Лигата на Европа каде загуби уште во првото коло од фаворизираниот Лех Познањ.
