Градоначалникот Коста Јаневски, денеска, учествуваше на првата работна средба на која што беше основана Асоцијацијата на градови од Република Македонија и Република Бугарија која што се одржа во Куманово. Целта на оваа Асоцијација е воспоставување на побрза динамика во развивањето на прекуграничната соработка . Тоа значи дека Асоцијацијата и администрациите на локалните самоуправи преку разни проекти подеднакво ќе работат на забрзување на одржливиот економски развој во прекуграничниот регион, на унапредување на социјалната интеракција како и на развивање и унапредување на квалитетот на животот во овие градови. На првата работна средба присуствуваа триесетина градоначалници од Македонија и Бугарија кои разговараа за начинот на кој што ќе се одвива соработката која треба да донесе нови перспективи за граѓаните од двете страни на границата.
