По направената објава на СТРУМИЦА ДЕНЕС за барање за помош на младата жена Наташа Јанева од Струмичкото село Добрејци, почнаа да пристигаат донации. Тимот на Струмица Денес во соработка со Волонтерите на ЗДГ “Љубезност од Струмица вчера однесоа повеќе пакети на храна, топла облека, ќебиња, јоргани, постелнина и друго, кои пристигнаа од многу од вас.

Пред неколку години за Наташа била изградена мала симпатична куќа која моментално е во карабина фаза. За да може Наташа да влезе во нов дом, потребен е приклучок на струја, вода, поставување на под (пр. ламинат) мебел, покуќнина, дрва за огрев.

Сите ваши јавувања, поддршка и помош се неопходни за да со заеднички сили помогнеме на оваа млада жена која имала многу тежок живот исполнет со многу трауми и загуби на драги личности.
Ви благодариме за вашите донации, поддршка и помош.