Министерот за здравство, Венко Филипче, на денешната прес-конференција појасни дека забранетиот влез за невакцинирани од 16 август ќе важи само за организираните настани и за угостителските објекти, како на затворено така и на отворено.
– Тоа важи само за настани и угостителски објекти и на затворено и на отворено. Нема одлука за институциите. Апелирам до сите приватни и државни институции кои работат со голема бројка на луѓе, истите да ги поттикнат вработените да се вакцинираат, рече Филипче пред новинарите.
Министерот смета дека рок од само една недела е разумен период да се реорганизираат настаните и оние кои планирале свадби и подвлече дека вакцината е единствениот механизам со кој може да се смени сликата на пандемијата.
Тој истакна дека последните мерки сепак биле најавувани подолго време, иако за јавноста дојдоа сосема неочекувано.
„Воопшто не е доцна за овие мерки, ова се работи кои ги најавувавме и го чекавме моментот. Евидентниот раст на број на пациенти започна и сметаме дека е добар период, бидејќи доаѓа период на месеци кога поголем број на луѓе ќе бидат во затворено.
