Perdormire
Здравје

Mицкоски обезбеди помош од Словенија во вредност од 110 илјади евра: На аеродромот во Скопје слета првиот авион!

Лидерот на ВМРО-ДПМНЕ на Фејсбук објави дека по разговор со премиерот на Словенија обезбедил помош за справување со пандемијата во Македонија.

“Во вторникот остварив телефонски разговор со премиерот на Република Словенија и лидер на нашата сестринска партија СДС, Јанес Јанша. Разменивме мислења и информации за актуелната политичка состојба, а пред се се осврнавме на заедничките предизвици со пандемијата на корона вирусот, со кои се соочуваат двете држави. Побарав од премиерот Јанша, да помогне Словенија во рамките на своите можности и капацитети. Денес, на скопскиот аеродром пристигна првата помош во заштитни маски и медицински ракавици од земја членка на Европската Унија, Република Словенија.

Во таа насока сакам да изразам јавна благодарност до нашиот пријател и пријателот на Македонија – Јанша за помошта и тоашто за брзо време се испорача помош која во овие моменти ќе биде значајна за луѓето кои се во првата линија во борбата против заразната пандемија. Ова е време кога сите вистински треба да ја покажеме солидарноста и хуманоста на дело и на начин на којшто можеме да помогнеме во надминување на оваа тешка криза. Секој според можностите и преку средства со коишто може да придонесе, затоа што секој живот вреди и затоа што ја сакаме Македонија”, напиша Мицкоски.

Помошта се состои од 100 илјади маски и 100 илјади ракавици во вкупна вредност од 110 илјади евра. Станува збор за прва донација која ја добива Министерството за внатрешни работи од земја која е членка на Европска унија и НАТО.