На седницата Владата го задолжи Фондот на пензиското и инвалидското осигурување на Македонија да ги достави податоците за пензиите до деловните банки најдоцна до 24 април 2023 година, а се препорачува на деловните банки да обезбедат, пензионерите да може да располагаат со априлските пензии преку мрежата на банкомати и во трговската мрежа – од 25 април 2023 година.

„Се препорачува на деловните банки, преку филијалите и експозитурите на банките да обезбедат готовинска исплата на пензии за клиентите кои не користат картички, во четири групи, по распоред според висината на пензијата и тоа: за пензии со висина до 11.000 денари, исплатата да се изврши на 25.04.2023 година (вторник); за пензии со висина 11.001-14.000 денари, исплатата да се изврши на 26.04.2023 година (среда); за пензии со висина 14.001-18.000 денари, исплатата да се изврши на 27.04.2023 година (четврток) и за пензии со висина над 18.001 денари, исплатата да се изврши на 28.04.2023 година (петок)“, стои во соопштението од владината прес-служба.