Фудбалерите на Победа во својот прв контролен натпревар, на стадионот „Младост“ во Струмица, jа совладaа Беласица со 0-1.
Победоносниот погодок за прилепчани го постигна ветеранот Благоја Гешоски, по извонредниот соло-продор на Марио Наумоски, кој претрча повеќе од 40-тина метри и се ослободи од неколку фудбалери. И двата тренери денешниот натпревар главно го искористија за проверка на сите расположливи сили.
За фудбалерите на Беласица овој натпревар беше втор пријателски, а од петок струмичани своите подготовки ги продолжуваат на Златибор.
