Perdormire
Спорт

Кој ќе слави, а кој ќе плаче: Во Скопје и Струмица се решава сè – и Европа и опстанокот!

Македонската фудбалска сезона дојде до крајот, останаа уште само денешните последни 90 минути, по кои ќе биде јасно кој ќе игра во Европа, а кои две екипи со солзи ќе ја напуштат домашната елита. Разврската во финалето на сезоната, по која ќе биде спуштена завесата е на три терени – два во Скопје и во Струмица.

Рамномерно е распределена битката за местата на меѓународна сцена и за опстанокот. По три екипи се во игра за две места, но тоа што е најинтересно сè зависи од домаќините на трите дуели, на „Филип Втори“ каде играат Работнички – Скопје, на Чаир каде се среќаваат Шкупи и Вардар во градската пресметка и во Струмица, каде Победа е домаќин на Ренова.

Има низа математики, кок, што и како би можел и до Европа во еден случај и до опстанок. Но, во моментов едно е јасно, ако денеска трите домаќини на посочените три стадиони победат – работата е јасна. Работнички и Шкупи ќе играт во Европа, Победа ќе обезбеди бараж за опстанок и ќе ги праи Пелистер и Скопје во Втората лига.

Во трката за Европа, Работнички е трет со 49 бода, пред Шкупи со 48 и Силекс со 47. Кратовци имаат најмали шанси, затоа што мора да чекаат киксови на дебармаалци и чаирчани за да се изборат најмалку за четврто место, кое води во Европа ако Шкендија го освои Купот в среда, што реално и треба да се случи сооглед на разликата во квалитет со битолчани. Од друга страна, Работнички дома има шанса да го завери со победа директниот пласман во Лига Европа, а во тој случај Шкупи би чекам милостина од тетовци.

Во трката за опстанокот Победа и Скопје влегуваат со ист број на бодови, по 35, а Пелистер е последен со 34, но прилепчани имаат пол-позиција затоа што имаат подобар меѓусебен скор со „пиратите“ за еден гол (5-4) и било каква победа над Ренова без оглед на другите мечеви на ривалите ќе си го обезбедат баражот.

Пелистер, пак, има најтешка задача и „невозможна мисија“, затоа што ем што треба да победи во Тетово со неприкосновената Шкендија, туку мора и двата ривали да кикснат. За Скопје, пак, шансата е само помош од Ренова и победа или реми со Работнички (бод само ако Победа загуби). „Пиратите“ имаат уште една луда комбинација во која им треба помош од битолчани да освојат бод со Шкендија, арно ама и тие, но и победа да – загубат. Тогаш во минитабела на трите најслаби при ист број на бодови, Скопје би бил најдобар и би опстанал.

Разврската за сезонава во која битката за титулата заврши на самиот старт на пролетва почнува во 16.15 часот. Останува само да се види дали домаќините ќе ја искористат предноста и ќе се радуваат, а со тоа нема да има големи сплетки или последните час и половина од домашен фудбал ќе донесат епска неизвесност.

ПРВА ЛИГА, 36. КОЛО (16.15 ЧАСОТ)

„Филип Втори“: Работнички – Скопје

Тетово: Шкендија – Пелистер

Струмица: Победа – Ренова

Чаир: Шкупи – Вардар

Турново: Академија Пандев – Силекс

ТАБЕЛА

Шкендија 88, Вардар 56, Работнички 49, Шкупи 48, Силекс 47, Академија Пандев 42, Ренова 41, Скопје 35, Победа 35, Пелистер 34