Perdormire
Празници

ГРАДОНАЧАЛНИКОТ НА СТРУМИЦА: СЕДЕТЕ ДОМА И ПРОСЛАВЕТЕ ГО ВЕЛИГДЕН СО МОЛИТВИ, ВО СЕМЕЈНА РАДОСТ И ХАРМОНИЈА – БИДЕТЕ ЖИВИ, ЗДРАВИ И СРЕЌНИ!

Почитувани сограѓани од христијанска вероисповед,

Во пресрет на мигот кога со многу радост повторно ќе ја примиме убавата вест за Христовото Воскресение, сакам да Ви посакам таа вест да ја дочекате во добро здравје, со широка насмевка и со лична и семејна среќа.

Велигден како еден од двата најголеми христијански празника, е прослава на најголемото чудо на светот, во кое Христос воскресна од мртвите, овозможувајќи победа на животот над смртта.

Овој празник заслужува да се чествува со сите обележја карактеристични за него, но за жал, годинава ќе го прославиме во услови на пандемија која му се заканува на човештвото.

Токму затоа, ве повикувам претстојните Велигденски празнувања, со отворени срца, да ги прославиме во своите домови, заштитувајќи го сопственото здравје, здравјето на нашите ближни и на сите останати граѓани.

Само на тој начин, а со Божји благослов, ќе го одбележиме Христовото воскресение онака како што доликува, а истовремено ќе овозможиме и идните Велигдени да бидеме комплетни околу нашите празнични семејни трпези.

Седете дома и прославете го Велигден со молитви, во семејна радост и хармонија. Бидете живи, здрави и среќни.

Нека Ви е честито и вековито Христовото Воскресение, нека Ви е за многу години Велигден.

ХРИСТОС ВОСКРЕСЕ