АМИН: МОЛИТВА ЗА СМИРЕНИЕ И ИЗБАВУВАЊЕ ОД СТРАСТИТЕ!

јули 3, 2019

Молитва за смирение и за избавување од страстите

Свети Нифонт Кипарски

Господи и Боже мој,

Ти Кој Светата Твоја Мајка ја

покажа почесна

од небесните сили,

прости ми ги гревовите по молитвите на

многусаканата Дева

и истерај ги далеку од мене секоја скверност;

блуд, прељубодејство и злословие,

омраза, завист и гнев,

огорченост и немарност;

гордост и суета,

среброљубие и немилосрдност;

спротивставување, препирање и непријателство,

распалување на телесните страсти,

душевна скаменетост;

лакомост; пијанство, лукава желба,

и најпосле – неверие

и човечка, најгорчлива и бесславна слава.

Да, Боже мој,

оттргни го сето тоа далеку од мене

и направи луѓето да ме презираат

и со гадење да ме избегнуваат;

Нека не се најде на земјата, Човекољупче,

никој да ме пофали и да ме почитува,

никој да не рече дека сум свет;

за да не бидам осуден, Господи мој, поради него.

Избави ме од човечката слава,

Човекољупче!

Ослободи ме од човекоугодништвото,

Милостив!

Извадок од книгата:

Свети Нифонт Подвижник меѓу Епископите

Библиотека Небесни цветови

Манастир „Свети Атанасиј Велики“ Журче

Споделете ја оваа вест доколку ви се допадна: