Се чувствувам дискриминиран, иако ние тука сме прво како Македонци. Ова е наша татковина и јас се срамам од некои настани како прославата на годишнината од смртта на Мара Бунева. Јас веднаш кажав дека тоа не доликува за навредите на Џамбаски и Костадинов. Самиот Костадинов е на платниот список на Москва. Тоа е едно руско сценарио за да има проблеми меѓу Бугарија и Македонија за оддалечување на Македонија од ЕУ, вели македонскиот Бугарин и претседател и основач на организацијата „Мост“ за културна соработка меѓу Македонија и Бугарија, Митко Георгиев.

Тој вели дека е дискриминација тоа што никој од неговото семејство не може да се вработи во Македонија.

-Ме напаѓаат со навреди „пи*ка ти мајчина, бугарска, ќе те иселиме од Бугарија и ќе те убиеме“ – така стои во судската пресуда. Тоа го имаше на видео. Казната е 150 евра. Значи јас можам да отидам во град и да го претепам некој за 150 евра. Јас имав и угостителски објект, кој што беше запален. Исто така имав радио и ми го затворија поради тоа што се чувствувам како Бугарин, рече Георгиев во емисијата „Само вистина“.

КЛИКНИ ОВДЕ ЗА ОРИГИНАЛНИОТ ЛИНК: https://lokalno.mk/georgiev-diskriminiran-sum-kako-makedonski-bugarin-niko%D1%98-od-moeto-seme%D1%98stvo-ne-mozhe-da-se-vraboti/