Државната изборна комисија досега одобрила 1.430 пријави за гласање на македонски државјани што живеат или се на привремена работа во странство за претстојните предвремени парламентарни избори на 12 април. Од дипломатските- конзуларни претставништва до ДИК биле испратени вкупно 1.517 пријави, но прифатени се само 1.430. Рокот за пријавување на дијаспората за гласање завршува на 11 март на полноќ. Избори во дијаспората ќе се организираат само доколку за гласање се пријават околу 6.700 гласачи и доколку во местата за гласање има пријавено над 10 избирачи.
