Зимската служба на јавното претпријатие за комунални дејности „Комуналец“ подготвена ги дочека новите врнежи од снег. Активирани се сите расположливи ресурси и интензивно се работи на терен за да се овозможи нормално движење на пешаците и возилата. Рачно и со механизација се чистат тротоарите и пешачките зони, а со возила се интервенира на улиците во централното градско подрачје и повисоките делови на градот.
