Едно од ветувањата на градоначалникот на општина Василево, Славе Андонов, полека станува реалност. Населбата Владиевци добива целосно реконструирано кошаркарско игралиште, кое ќе стане ново, модерно место за рекреација и спорт на младите генерации.

Во рамки на реконструкцијата, игралиштето ќе добие нова ограда, нови кошеви, а во наредниот период ќе биде поставена и модерна тартан подлога, што ќе го направи ова игралиште прво од ваков тип во целата општина.

„Многу генерации деца, спортисти и натпреварувачи од Владиевци ќе ги создаваат своите најубави спомени токму на ова место,“ изјави градоначалникот Андонов, потенцирајќи дека ова претставува уште еден чекор кон подобрување на квалитетот на живот и условите за спорт и рекреација во руралните средини.

Со оваа инвестиција, Владиевци добива современ спортски простор, а општина Василево продолжува со проектите за унапредување на спортската инфраструктура.

„Го менуваме ликот на општина Василево,“ порача Андонов.