Мите Тантушев од Радово кој има само 15 години, неодамна на јутјуб каналот 07 Label ја објави својата прва авторска песна насловена „Темнина“. Мите е деветто одделение во училиштето „Св.Кирил и Методиј“ во Турново и свири на гитара повеќе од 5 години. Тантушев исто така работи и на пишување на повеќе песни, а самиот тој е и основач на 07 Label, која во моментот се состои од еден артист и дизајнер.

„Се трудам да донесам нов стил на музика во нашата земја, веќе го донесоа постарите од нас до некој степен и го скршија мразот но не е сеуште до тој степен целосно да заживее овде. Во иднина ќе објавувам не само мои песни туку и кавери на песни од други артисти.“ – вели Мите во изјава за портал Струмица Денес.

Му посакуваме многу успеси во иднина. Песната може да ја слушнете веднаш под овој текст.