Исплатата на регресот за годишен одмор (К-15) веќе започна кај некои компании, иако крајниот законски рок е 31 декември. Некои фирми, кои имаат можност, го исплаќаат К-15 уште од јули.
По одлуките на претходната власт, регрес добиваат и административците, по повеќе од две децении пауза.
Согласно законот, право на К-15 имаат сите вработени со најмалку шест месеци непрекинат стаж кај работодавецот.
Најмалата сума што може да се исплати годинава изнесува над 17.000 денари, што е 40 отсто од последната тримесечна просечна нето плата во земјата. Ако просечната плата продолжи да расте, минималниот износ за К-15 ќе се зголемува во согласност со тоа.
