Светската здравствена организација (СЗО) објави загрижувачки податоци – повеќе од 15 милиони тинејџери ширум светот, на возраст од 13 до 15 години, користат електронски цигари. Според првата глобална проценка на оваа појава, младите „вејпаат“ девет пати почесто од возрасните во земјите каде што постојат релевантни податоци.
Во моментов, се проценува дека над 100 милиони луѓе користат е-цигари, од кои најмалку 86 милиони се возрасни, главно во земји со висок приход. Истовремено, бројот на традиционални пушачи опаѓа – од 1,38 милијарди во 2000 година, на 1,2 милијарди во 2024 година.
Етиен Круг, директор на одделот на СЗО за здравствени детерминанти, предупредува дека е-цигарите создаваат нов бран на зависност од никотин кај младите.
