Perdormire
Струмица

Се отвори „Роса школо за родителство“ во Струмица!

Со задоволство ве информираме дека денеска во ЈЗУ „Здравствен дом Струмица“ официјално беше отворено новото „Роса школо за родителство“, донација од Пивара Скопје и компанијата Coca – Cola, а во партнерство со Министерството за здравство.

На денешното отворање, присутните медиуми и тимот доктори кои ќе работат во рамки на школата, ги поздравија министерот за здравство, доц. д-р Венко Филипче, директорката на болницата, Љубица Митева и бренд менаџерот за негазирани пијалаци во Пивара Скопје, Катерина Хаџи-Ангелеска-Начевска.