Авиобилетите во летните месеци во Европа најверојатно ќе поскапат и оваа година, според Рајанери до 10%, а причината се проблемите со авионите „боинг“ и „ербас“, пренесува БНР. Зголемувањето ќе дојде по наглиот раст на цената на летовите за одмор од пандемијата минатата година, кога големата побарувачка го надмина ограничениот капацитет на европските авиокомпании.
Главниот извршен директор на ирската нискобуџетна авиокомпанија, Мајкл О’Лири, вели дека Рајанер можеби сепак треба да ги намали своите распореди на летови, како и дека цените ќе бидат делумно повисоки поради проблемите со моторите „прат“ и „витни“ на ербас А320, кои принудија некои од нив да бидат приземјени од авиокомпании, вклучувајќи ги Визер и Луфтханза.
