Центар за дневен престој на деца со попреченост со индивидуален третман во општина Струмица може да работи од како денеска на давателот кој ќе ја спроведува социјалната услуга му беше доделена дозволата од министерката за труд и социјална политика Јованка Тренчевска.
На доделувањето на дозволата присуствуваа секретарот на општина Струмица Александар Оџаков и членови на Советот.
Општина Струмица во овој проект учествува со вкупно 5,6 милиони денари и со отстапување на простор со површина од 300 метри квадратни во поранешното средно училиште „Јахја Кемал“.
Со отворањето на овој Центар, Струмица уште еднаш потврди дека е најинклузивна општина во државата.
