На иницијатива и во организација на Здружението за помош и поддршка на лица со Даунов синдром „Вера“ од Струмица, на 18 јуни (среда) со почеток во 19:00 часот во просториите на Градската Уметничка галерија во Струмица ќе се одржи Панел дискусија за изменување и дополнување на Законот за социјална заштита и добивање на месечен надоместок за родител на лице со попреченост, односно добивање на статус „родител-негувател“ на еден од родителите на лице со попреченост.

На Панел дискусијата свое обраќање ќе има претседателката на Здружението „Вера“, Анче Туфекчиева, мајка на лице со Даунов синдром, Ѓорги Јанев, лекар – специјалист на медицина на трудот, доктор на науки во областа на креирање на здравствени политики и менаџмент и Коста Тимов, татко на лице со аутизам и претседател на Здружението „Говорот на срцето“.

Организаторот ги поканува сите чинители на оваа општествена заедница заедно да направат подобри услови за живот на овие семејства со надеж дека оваа предлог иницијатива ќе вроди позитивни резултати.