Општина Василево се најде меѓу општините со највисок степен на буџетска и даночна транспарентност за периодот 2024/2025, според најновите анализи и извештаи на релевантните институции. Овој резултат претставува потврда за одговорното и отчетно управување со јавните финансии и континуираниот напредок во изминатите неколку години.
Градоначалникот Славе Андонов истакна дека чувствува гордост што општината, која до неодамна беше ниско рангирана по овие критериуми, денес се вбројува меѓу најдобрите во државата. Според него, транспарентноста не е само обврска, туку и залог за доверба меѓу институциите и граѓаните.
„Гордост е кога сте успеале од најниско рангирање, за неколку години да бидете меѓу најдобрите!“, порачува Андонов, потенцирајќи дека Општина Василево и понатаму ќе остане посветена на отчетно и транспарентно работење.
