Насилникот кој тепаше жена на ТикТок и тоа го пренесуваше во живо, е хоспитализиран во Психијатриската болница Негорци. Случајот предизвика бурни реакции откако видеото, во кое тој врши напад врз жена – за која се тврди дека е негова бремена сопруга – стана вирално.
Од СВР Струмица потврдија дека на 27 март 2025 година, насилникот е спроведен на психијатриско лекување.
„На 27 март 2025 година, лицето е спроведено на лекување во Психијатриска болница Негорци“, информираат од СВР Струмица.
Иако нападот беше документиран во реално време, мажот кој тепаше жена на ТикТок не е непознат на органите на прогонот. Според СВР, против него постоеле две кривични пријави поднесени во текот на 2024 година.
„Во ОВР Радовиш, во 2024 година, две женски лица пријавиле случаи против истото лице. Еден случај е за телесна повреда по член 130 став 2 во врска со став 1, а вториот е за загрозување на сигурноста по член 144 од Кривичниот законик. И двата случаи се целосно расчистени и поднесени се соодветни поднесоци до надлежното обвинителство“, соопштија од полицијата.
Овој случај повторно ги отвори прашањата за третманот на жртвите, но и за задоцнетото делување на институциите. Граѓаните се згрозени што лицето кое тепаше жена на ТикТок претходно веќе бил пријавен, но не бил спречен да повтори насилство.
Во моментов, лицето се наоѓа на психијатриско лекување, но не се соопштуваат детали за неговата здравствена состојба. Двете кривични пријави од претходно, според полицијата, се процесуирани, но јавноста бара понатамошна правна разрешница.
Насилникот кој тепаше жена на ТикТок останува симбол на потребата за поефикасен систем за заштита на жртвите и одговорност на институциите.
