Анализата на Институтот за економски истражувања и политики „Фајнанс тинк“ предупредува на структурни проблеми, пишува Пословни.хр.
На македонскиот пазар на труд има вишок на работници во професиите со повисоки стручни квалификации, а од друга страна има недостиг од работници во делот на основните квалификации.
Компаниите во земјава се соочуваат со недостиг на стручен кадар, а засега недостатокот е најголем во инженерската индустрија, електротехничката струка, прехранбената и хемиската индустрија, туризмот и угостителството.
Според анализите на Институтот за економски истражувања и политики „Фајнанс тинк“ има хиперпродукција на кадри во образовната сфера и голем недостиг на кадри во угостителството и општите услуги.
