Коста Костадинов, градоначалник на општина Струмицa:
Честит празник Струмицо моја!
Струмичани мои, каде и да сте, нека ни е за многу години празникот!
Денеска е посебен ден, најголем празник за сите нас.
Ги чествуваме нашите заштитници и заштитниците на нашата Струмица – Светите 15 Тивериополски Свештеномаченици.
Првата денешна почит им ја оддадовме на утринската свечена Божествена литургија којшто се одржа во истоимениот храм, поклонувајќи им се на животот и делото кои се од непроценлива вредност за нашите духовни вредности и за нашата вера.
Меѓу верниците и гостите, за прв пат во историјата, на Литургијата беше и градоначалникот на Кукуш Димитрис Киријакидис, а во знак на развојот на добрите односи меѓу двете општини.
Честит и благословен да ни е празникот Свети 15 Тивериополски Свештеномаченици!
