Дали купувањето производи на рати има скриени трошоци и кои се тие?

ноември 15, 2023

Купувај производи до 48 рати без камата! Со вакви огласи сме секојдневно бомбардирани по социјалните и електронските медиуми од трговците кои нудат продажба на бела техника, уреди за домаќинство, мебел и многу други производи. За огромен дел од населението ваквите понуди изгледаат примамливо бидејќи сметаат дека некој производ кој им е потребен, а во моментот немаат средства за плаќање одеднаш, можат да го купат со отплата на повеќе рати. Притоа сметаат дека со оглед дека се промовира плаќање на рати без камата, висината на ратата би им била во износ идентичен на оној кога цената на производот ќе се подели на бројот на посакувани рати.

Но кога ќе појдат во продавница, или уште почесто кога ќе им стигне за наплата првата рата, сфаќаат дека реалноста е сосема поинаква. Не само што ратата на која сметале е зголемена со камата, туку многу често е оптоварена и со други дополнителни трошоци. Од едноставна причина што ниту една финансиска институција никого не финансира без да има корист од пласираните средства, а исто така ниту еден трговец не е подготвен да даде производ и да чека година, две или повеќе, за да ги добие парите за производот. Затоа, секој кој има намера да купува некој производ на рати, треба добро да се информира и да проучи што е најдобро за него.

На пример, многу трговци имаат договори со комерцијалните банки или финансиски друштва за плаќање на рати со кредитните картички на нивните коминтенти. Со оглед на тоа дека кредитните картички се всушност позајмени пари од банките, тие за искористените средства од нив наплаќаат камата, која моментално е над 10% и истата ќе биде пресметана во секоја рата.

Постои и опција за плаќање на рати со аплицирање за потрошувачки кредит на самото продажно место со банките со кои трговецот има договори. Ова е секако посложена варијанта бидејќи иако се пополнува апликацијата кај трговецот, треба да се достават и низа други документи, како заверен извод од трансакциска сметка како доказ за прилив на средства по основ на плата или пензија, потврда за вработување и висината на лични примања и друго. Дури и за вакви кредити каматата е доста висока. Дополнително се пресметува трошок за апликација, но и провизија за администрирање на кредитот.

Кај потрошувачките кредити, ако се суди по поплаките на граѓаните, често има и најразлични скриени трошоци кои најчесто не се соопштуваат, а финансиските институции притоа се повикуваат на нивните тарифници, ценовници или општи услови. Такви трошоци на пример се, за исплата на парите веднаш, каде што се наплаќа административен трошок, високи провизии за задоцнета отплата, а може дури да се случи да се пресмета и трошок за советување за избор на кредитот.

Меѓутоа не секогаш е така, има и примери каде што нема никакви скриени трошоци. Наједноставен и најсигурен начин за купување на рати, каде во старт, без скриени трошоци ќе ги знаете висината на ратата, односно трошокот кој треба да го платите, е со користење на услугите на Иуте кредит.-Buy now, pay later. Ова финансиско друштво има договори со цела палета трговци кај кои може да се купува на рати.

За поедноставување на сите процеси постои апликација MyIute, која е најсовремена алатка за управување со сопствените финансии, брз, едноставен и безбеден начин за дознавање и располагање со сопствениот лимит, потпишување на договор по брза и безбедна постапка со електронска GetID биометриска идентификација на податоци, следење на состојбата на финансиските средства, отплата, добивање известувања и слично.

Секој што сака да купува на рати со Иуте, откако ќе го пронајде потребниот производ или услуга кај Иуте партнерите, преку МyIute може да го активира својот паричен лимит, со што ќе дознае колку парични средства има на располагање, да го потпише договор во апликацијата и да си го земе производот или услугата веднаш.

Процедурата е уште побрза и поедноставна доколку клиентот претходно веќе се има онбордирано, односно го има дознаено паричниот лимит преку MyIute, во овој случај процесот на купување се сведува само на скен на QR кодот кој се наоѓа во партнерската продавница, без потпишување на договори, чекања и одобрувања. За останатите клиенти процедурата трае 5-10 минути.
Однапред одобрениот паричен лимит е навистина уникатно одбележје на Иуте, затоа што на клиентот му ја гарантира паричната сума веднаш или пак, се започнува со плаќање според планот за отплата скроен онака како што на клиентот му одговара.

Притоа, партнерите можат да понудат една или повеќе Иуте опции за плаќање, па така можете да ја изберете најсоодветната опција при наплата. На пример, Iute Smart 0% е без никакви трошоци. Доколку купите производ кој чини 4000 МКД на 4 рати, тогаш враќате 4×1000 МКД. Без дополнителни трошоци!

Доколку пак сакате да отплаќате на подолг период со ниска месечна провизија и отплата до 36 рати, изборот е Iute Flexi.

Внимателно бирање на вистинскиот „кредит“ треба да нè носи кон услуги кои се брзи, сигурни и секако каде точно знаеме колку се вистинските трошоци. Од нашиот избор зависи какви „трошоци“ имаме кога купуваме одреден производ на рати.

Споделете ја оваа вест доколку ви се допадна: