Натпис во весникот “Њујорк Тајмс” од 26 мај 1903 година открива кој го предал Гоце Делчев, срцето на револуционерна Македонија. За приказната да привлече уште поголемо внимание, истиот натпис е испратен од бугарски репортер во кој вели дека „македонскиот шеф е мртов“. Никаде во статијата не ја спомнал Бугарија, нуту пак дека Делчев загинал во борба за Бугарија како што денеска зборуваат дел од бугарските политичари. Во продолжение оригиналната статија:
СМРТТА НА МАКЕДОНСКИОТ ВОЈВОДА
Грчки шпион го предал Делчев на Турците
Лондон 26 мај, 1903 година – Детален извештај за смртта на Делчев познатиот македонски војвода, од дописникот на “Тајмс” од Софија. Извештаите покажуваат дека Делчев бил придружуван од четата и војводата Кирчовски, заедно со поетот Таворов кога влегле во селото Баница во близина на Серез, а за неговото присуство во селото Турците разбрале од грчки шпион.
Голема војска го опколила селото и сите припадници на револуционерната чета биле убиени по долг отпор. Жителите на селото, кое Турците го запалиле, исто така биле убиени.
Делчев имаше 32 години. Тој беше учител, и тој беше основач на Македонската организација којашто има разграноци низ целата држава.
Бугарскиот дописник на “Тајмс” вели дека продолжува потрагата и апсењата во вилаетот Адријанопле. Приведени се голем број свештеници и даскали. Во шест села било најдено оружје. Машката популација е во бегство, а земјоделските работи се во прекин.
