БЕКТЕШИ ВЕЛИ МЕРКИТЕ ДАВААТ РЕЗУЛТАТИ: Дали за Нова година ќе имаме замрзнати цени?

октомври 26, 2023

Министерот за економија, Крешник Бектеши вели дека доколку има потреба и Нова Година ќе ја дочекаме со замрзнати цени.

Тој се пофали дека мерките досега даваат одличен резултат.

„Убеден сум дека до 10 ноември ќе ги имаме сите анализи за сите производи во одлуките, а компаниите и граѓаните навреме ќе бидат информирани за сите одлуки, односно најмалку десеттина дена пред истекот на владината одлука (30 ноември). Ако има потреба замрзнувањето ќе продолжи најмалку до крајот на годинава“, додаде Бектеши.

На 19 септември Владата реши да се замрзнат цените на 25 групи прехранбени производи. Државата неколку пати интервенираше со замрзнување на цените на производите за да го заштити стандардот на граѓаните.

Споделете ја оваа вест доколку ви се допадна: