Ученици од СОУУД „Димитар Влахов“-Струмица образовен профил-Техничар за ветеринарна медицина и агротехничар под менторство на наставниците Ванчо Танев, Роза Делева и Аница Петрушевиќ беа во посета на Јавното претпријатие за заловување на бездомни кучиња Стационар “Лана”-Струмица.
За време на посетата учениците се запознаа со просторните услови, начинот на организација на стационарот,како и на кој начин бездомните кучиња се заловуваат, стерилизираат, вакцинираат, маркираат, а потоа се вдомуваат или се враќаат на улица.
Воедно учениците имаа можност да присуствуваат на хируршка интервенција- кастрација.
