Двајцата струмичани Славе Тимов и Теохар Зајков беа дел од парагвајдерските воздушни игри во Олудениз, Турција кои се одржаа од 17 до 22 октомври. Тимов и Зајков доаѓаат од парагвајдерскиот клуб „Јастреб Екстрем“ од Струмица и во изјава за Струмица Денес велат дека максимално се потрудиле да ја претстават Македонија и Струмица во најдобро светло.
„Манифестацијата се одржува еднаш годишно со учество на најдобрите акропилоти, base jumperi, sky diversi и тандем пилоти од цел свет. За учество мора да си регистриран пилот со легитимација, инаку нема да можете да добиете сертификат и дозвола за летање. Ние од Струмица летавме со најдобрите од цел свет и бевме сведоци на секакви лудории, акробации и вештини од разни акробации, скокачи и незамисливи егзибиции во воздухот. Се потрудивме максимално да ја претставиме во најдобро светло Струмица и Македонија“, изјави Славе Тимов.
Во продолжение погледнете ги фотографиите:
