Во населеното место Чанаклија, во општина Василево, денес е целосно асфалтирана нова улица која води до големото фудбалско игралиште – објект од особено значење за младите и спортски активни жители. Со ова, уште еднаш се потврдува заложбата на локалната самоуправа за континуирано подобрување на инфраструктурата во сите населени места.

Градежната офанзива продолжува и утре, кога во Чанаклија ќе се асфалтираат уште две улици, со што ќе се подобри пристапот и условите за живот на голем број домаќинства.

Летниот период во општина Василево е интензивно работен. Според најавите од општината, се реализираат над 40 проекти – од изградба и реконструкција на улици, преку поставување на канализациски мрежи, до изградба на спортски терени и бетонски канали. Работите се изведуваат на сите полиња, со јасна визија и цел – подобар живот за сите граѓани.

„Ова не е само работа – ова е визија која се претвора во реалност“, велат од општина Василево, посочувајќи дека секој нов ден носи нов проект, нова работна зона и нова причина за гордост меѓу жителите.

Општина Василево останува посветена на развојот, напредокот и подобрувањето на условите за живот во секое населено место.